»نشرت فى : الخميس، 13 مارس، 2014»بواسطة : »ليست هناك تعليقات

ديـوان الشاعر/ أحمد محسن أبو رجل المسعودي

ديـوان الشاعر/ أحمد محسن أبو رجل المسعودي



( يابومهـــل )





يابو مهل منهو خويي على البـرلقلت شـدت قـال للبـر  قـدام
ماظنتي بلقـى مثيلـك ولا مـرولاظنتي بعدك على البر عـزام
البعـض لجيتـه يقـوم يتعـذروالبعض لجيته على طول نـوام
تاخذني الذكرى على وين  مامريوم اتذكر قنصنا بسهل  ورضام
نتبع اثرهن مع شعيـب  مقفـرماداج فيه اللي بيرعون الاغنـام
ولحارت الجره بطبعـك تبشـرومع رميتك قمنا نتباشر  بالالغام
مريق من نحره وضلعه مكسـروقمنا على سلخه وتقطيعه  شمام
مرعاه قيصوم وعشـب مزهـربديرة شفاء يازين عذبات الانسام
ولهبت النسمه عصيـر  تمطـرغربية وخيالهـا بالمطـر عـام
نزبن لنا غار عن اللـي تحـدرسيل مع الوادي غدا يرزم  رزام
ونسوي فنجـال شمـام  مبهـربنار حطبها بالخلا يضرم ضرام
هذي طرات العمر للـي  يفكـرايام عشناهـا ولا مثلهـا  أيـام



ذهبت للبر وزان المقناص واتصلت على الأخ ماضي العنزي وهو زميل في العمل وقلت دبر الوضع عند المدير تراني بتأخر وفعلا دبر الوضع وعند حضوري أرسل لي هذه الابيات

يا احمد يا بن محسن ترى الصيد محظورممنـوع منـع موضـح لـك خطـابـه
أعلـن بـه الإعـلام وعمـم  بطابـوروالأمـر بيـن وانـت ليـش  تعصابـه
الارض حددهـا المهـنـدس بنـاظـورولافيـه مـن بيـن الاماكـن  تشـابـه
تـرى الاوامـر حيدهـا كنـه  السـورمصعب نـزول الضلـع يامـن  رقابـه
مـن اول يـوم تشـرف مـع الـقـورمتجنـد الدربـيـل تطـلـع هضـابـه
واليوم سـارت بيـن منهـي  ومامـورمحمـيـة ولا تـخـلـص الـطـلابـه
وش لك بعيشـه دونهـا مـر  ومـرورعقـب الولـع سـارت مثـل النهـابـه
حلاتهـا مابيـن ريـضـان  وقـفـوروالصقـر لاجـاء للحـبـاري لهـابـه
والارنـب بيـن محمـس  ويخـضـوروالضبـي مفلـي وسـط روض رعابـه
والبرق يلعـج والثـرى منـه  ممطـورمن غيـر نقـع الارض تـدرج شعابـه
اسمـع نصيحـة واحـد يتبـع  الشـورخـل القنـص ومـطـارده  وشتبـابـه
عندك على جـال البحـر فيـه هامـورالمـوج شالـه ليـن لـشـط  جـابـه



ورديت عليه بهذه الابيات

حي الجواب اللي لفاني على  الفـورمن صاحب عنـدي عزيـز جنابـه
ماضي صبيح صقر من لابت  صقورعـز الاخـو لوهـو بعيـد القرابـه
جابه غـلام مـا توانـى ومشكـورمن فوق بنز يعجـب اللـي سرابـه
بين المواتر لا مشى مشيـه غـرورالمرسدس معـروف مالـه  مشابـه
الف هلا نفرش لك الارض بزهـورالضيف له مقـدار يـا مرحبـا بـه
يا حي من جابه ومن صاغ الاسطورإعداد ما هل المطـر مـن  سحابـه
مرسل نصيحة والنصيحـة لهـا دوريردع بها المخطي ليعـرف صوابـه
وراعي الولع يا صاحبي شبه مسحوريمشي على درب الخطر مـا يهابـه
حنا لها يا خوك فـي بـر  وبحـوروالحمد للـي دوم مـا صـك  بابـه
لنا قنصنـا البـر لابـد مـا تثـورونبشِركْ بـا الألغـام بـأول اجابـه
ولنا ركبنا البحر مـن فـوق بابـورنسحب لك الهامور مـن عنـد نابـه
واعلم ترى ما حيد دوما عن الشـوربس الولـع مركـي بقلبـي  ركابـه


تم نشر بيتين لمحمد سالم ابورجل رحمه الله واسكنه فسيح جناته من قبل ابوعياف فجاريته بهذه الابيات


يا المعطي المنان جزل  الوهايبيا الواحد المعبـود رب البريـه
رحماك يالله يوم عرض الكتايبتغفر لعودن تايبن مـن  خطيـه
مرحوم يا محمد ريف الطنايـبمزبان للعربان مـن كـل نيـه
راعي عطايا الله ذيب الركايـبمن لابتن بالعون فيهـم  حميـه
يشهد على قولي من الناس شايبخاواه في المخطار روحه  وجيه


مجارات لقصيدة الشاعر ابو بكر البحيري


سـلام الله وزيـد  التحـيـهلربـع بينهـم دايـم حمـيـه
سلام اعداد ماتذبـح  ضحيـهيازين العـز ياشيـن المذلـه
سمعت القاف وعجبني لحونـهوجاوبت المغرد في غصونـه
صحيح القول يلـى تذكرونـهيازين العـز ياشيـن المذلـه
وراي الناس دايـم بالمشـورهومن لاشار ما يفيده  غـروره
ذكرها الله في محكم سطـورهيازين العـز ياشيـن المذلـه
يا راعي القيد لا تفتل حبالـكترا الدنيا بها عـز  ومهالـك
يدور الوقت وما قدمت جا  لكيازين العـز ياشيـن المذلـه
ومن لا ذاع صيته في حياتـهما ظن يذيـع لحلـت وفاتـه
ذكرها العَود ليا فـي وصاتـهيازين العـز ياشيـن المذلـه
با الافـراح جمعتكـم معـزهمحد قد سبقكـم قـول  منـزه
ذكركم شاع من مكـه  لغـزهيازين العـز ياشيـن المذلـه
اختام القاف وختـام الكلامـيصلاة الله على سيد  الانامـي
اعداد الخلق من صلى وصامييازين العـز ياشيـن المذلـه



(ربعي مساعيد)


نظمت قاف(ن) والمعاني موار يـدأبيات شعر(ن) كالدرر في القـلاده
من شاعر يتعب بجلـب المفاريـدغاص البحور وجاب منها  مـراده
كن أتقلـب فـوق جمـر  مواقيـدهني منهـوه مهتنـي فـي رقـاده
دنيا تقلبنا على حيـث مـا  تريـدمر(ن) فرح وامرار فيهـا  نكـاده
من واقع(ن) مخزي يسر الحوا سيدكل على زرع الفتن بـا  جتهـاده
الذيب ذيب وللحصينـي  مقاصيـدالمكـر وخـداع الأوادم مــراده
وبعض البشر مافيه طب(ن) ولافيدمهما عملت إحسـان رد بجحـاده
قم يولد واركب على قاطـع البيـدجيب جديـد يمتعـك بـا  لقيـاده
ودي على ذخري وربعي المسا عيداللي لهم بالطيـب والجـود عـاده
في مجلس(ن) يزهاه صفر مرا كيدوشيخ كريـم مرتكـي ع  شـداده
بوجه بشوش يجلي عنك  التناكيـدومز بان حر(ن) أقشر الوقت  كاده
معروف قاضيهم بيـوم  المواعيـدالمنهي اللـي سـن حكـم وجـاده
بين القبايـل حكمهـم دايـم حيـديوم تقدم حجـة (ن) مـع شهـاده
يظهر لكل النـاس حـق  بتحديـدوبشرع رب الكون يرضوا عبـاده
ولافيه قاصر في جميع  الأجاويـدكل على مـا قيـل يقـدح زنـاده
 
قالوا لي وينك

قالوا لي وينك قلـت بالبـر رحـال
مر بسهل ومـرار روس العراقيـب
سهيـل بيـن ذاكرينـه بـالأحـوال
والصيف قفى مع سمـوم  اللواهيـب
والجيب شديتـه معـا وادي  عفـال
وعقبت من خلفي طـوال المراقيـب
ودي بخبت(ن) لبيض الريش  منزال
شاهين مع وكري عكاف  المخاليـب
أسج فيه وعارف (ن) هيضه  أجوال
سمان مع قمري حسيـن  المطاليـب
يم السنام وغرب عن شاطـي قيـال
بالديره اللي ما وطاها سـوا الجيـب
مع رفقة(ن) لي شوفهم يشرح البـال
ارجال(ن) على يمناي تافي المواجيب
ولضاقت الدنيا على كـل  الأحـوال
وتعكرت بالوقت صفـو  المشاريـب
انصى الوحيد اللي له الملك  وجـلال
ماخاب من ينصاه جـزل المواهيـب 

الفـــــــــرقــــى



قلبي من الفرقى ترى فيه تجريحوعيني جفاها كل نـومٍ وراحـه
وحالي عليله كل ماقمت انا طيحكني كسير الطير بإحدى  جناحه
راح الهنى ولفاد حزني ونا صيحولفاد دمعٍ فوق خـدي  مطاحـه
على وليف مثـل بـدرٍ بتلميـحاو غصن وردٍ نابت له  بواحـه


وجارها الشاعر الاحيوي ابوايمن


ياراكب اللي لامشى  بالجوانيـححدد نزوله فوق طول  ومساحـه
تلفي على اللي رمز لاهبت الريحابو رجل ملفاه عـزن  وراحـه
ابشر بعز ومحرقن له رواجيـحوللموقع اللي تشير فور  اجتياحه
****************
****************

حطاب سمر وما لقي شي يكفيهسند على جرده وروح مع القاع



اعجبتني قصيدة الشاعر طلال عواد الاحيوي (حطاب سمر) وبما انه مولع بالبر والقنص
ارسلت له هذه الابيات
ياذيـــــــب



طلال شعرك بالجزل فـاح طاريـهفوحة نسيـم البـر لاهـب ذعـذاع
ياذيب يومك عالـي الرجـم مبديـهوغديت من تحتك قراشيـع وتـلاع
ومديت دربيلك على الصيد محريـهوكشفت من حولك طويلات الاضلاع
ماشفت لي ريم المهـا فـي مفاليـهفي فرعتن منبوتها شيـح  وشكـاع
لا ترفع البندق على الريـم ترميـهلنه شبيه صويحبي زيـن  الاطبـاع
ماخذ وصاف الريم والملـح كاسيـهوسود(ن) هدبهن يجبر القلب ينـلاع
والخد مثـل الـورد لقمـت احليـهلقبل مع القَمْرَ كمـا لمعـة اشعـاع
والشعر الاشقر فوق الامتان  مرخيهوالعود عود الموز لريـح مطـواع
تضيق بي دنيـاي لبطيـت ماجيـهوحس نبض القلب بادي  بالاسـراع
لسرت قربه يمضي الوقـت ممليـهلونا بوسط البر ع بسـاط  وشـراع

هذا الرد الى الاخ احمد محسن ابو رجل
على قصيدة الرائعه التي وجهها لي رد على قصيدتي حطاب سمر
ارجوا ان تنال اعجاب ابو محسن ورضاكم

قولك يبو محسـن لفتنـي معانيـهعبر البريد ولا سمعته ب  مذيـاع
قافك يرد القلـب للعشـق والتيـهويذكر المجروح شنعات الاوجـاع
ذكرتني ضبي" غـدا فـي مفاليـهضيعتهم يوم البخت فيه مـا طـاع
اقفى خذاه الموت يالوعتـي  فيـهياخذ حياته غصب مابين الاظـلاع
ما لي رجئ يا كود قلبـي وسليـهوا رأسل الطيب وانا حيل  ملتـاع
يطري علي صويحبي يوم  ألاقيـهبزيارتي قبره عسى يسمـع الـداع
اقعد واسولف واطلـب الله يعديـهساعة نقف بالحشر والكل  مرتـاع
وأقرى عليه الفاتحه رافـع  أيديـهعساه بالجنه مع الصحـب واتبـاع
وحطاب سمر اللي تصفح  قوافيـهذيب طوى روس الطويلات ما جاع
يمـر بـه بـردا" ودمـه  يدفيـهويمر به حرا" وهو طايـل  البـاع
يصبر على دنياه لو هـي  تخليـهيعوي وتسمع للصدى لجة  أتـلاع



كلمات طلال الاحيوات
**************

ارسل لي الاخ الشاعر / عبدالله محمد البحيري قصيدة بعنوان ( سود الايام ترويه )

قلبي من الهوجاس بالنار  يكويـههـم بنالـه بالمعاليـق بنـيـان
وأمسيت ياحمد يوجعني طواريـهوأدعي عسى الله يودع الهم نسيان
من صاحب من بعد ماكنت شاريهدورت بيعه في رخيصات الاثمان



ورديت عليه بهذه الابيات




الـبـارحـه والــنــوم عـيـنــي تـجـافـيـهقضيـت طـول الليـل ع الكـوع سهـران
وسويت فنجال(ن) على الجمـر مركيـهيجلي عماس اللي على الكيف شفقـان
وزان القـصـيـد وزان بـدعــة قـوافـيـهوشديـت قـاف(ن) والمثايـل لهـا شـان
رد(ن) عـلـى الـلـي بالجـزايـل معانـيـهحر(ن) شمخ في عالي الرجـم شيهـان
ابـــو مـحـمـد نــعــم لاحــــل طــاريــهرجل(ن) كفو ومنين ما احتجت له بان
ابـــن الـبـحـيـري طـايـلاتــن مـبـاديــهله بصمت(ن) فـي كـل محفـل وميـدان
حـنـا لـهـا والـحــق نـمـسـك عـراويــهولا تنفـع الرميـه عـلـى غـيـر نيـشـان
صحيـبـك الـلـي قــد ذكـرتـه وتهـجـيـهيـا كثـر غـزواتـه عـلـى غـيـر بـرهـان
إن قـابـلـك تعـجـبـك لـمـعـة مـكـاسـيـهتقـول ذا رجـل(ن) حكيـم(ن) وفهـمـان
ولـنــك فتـشـتـه ودك بـجـفـت تـرمـيـهيسعي علـى زرع الفتـن ويـن مـا كـان
لتـلـوم وقـتــك لـــوم جـيـبـك ومـافـيـهفـي وقـت فيـه الحـر عـاجـز وحـيـران
وابـوحـقـب بـالـوكـر فـــارد جـنـاحـيـهوكل(ن)يشـيـد بقولـتـه طـيـر حــوران
لاجـا لـزومـه غــاب مـحـد(ن) يلاقـيـههــذي طبـوعـه بـالــردى دوم كـوبــان
خـلـك وسـيـع بـطــان لاتبـتـلـش فـيــه(وعـرف رفيقـك وركنـه) مـالـه امــان
الـصـبـر زيـــن وطـيـبـات(ن) تـوالـيـهومن قبـل قالـوا راعـي الصبـر كسبـان
وصـلاة ربـي عـد مــا الخـلـق تدعـيـهوعداد ما ناحت على خضـر الاغصـان

الشاعر/ أحمد محسن أبو رجل المسعودي

 



 
       

    اضف تعليقاً عبر:

  • blogger
  • disqus

الابتسامات

0102030405060708091011121314151617181920212223242526272829303132333435363738394041424344

كافة الحقوق محفوظة لمدونة واحــة الأحيـــــــــــــــــــــوات 2016