وصف البدو : "العرب يستهلكون القليل القليل من الخضراوات ، إذ إن أطباقهم أعدت من اللحم والأرز والدقيق والزبدة." /// بوركهارت

السبت، 30 مارس 2013

احيوات والنعمين وبالفعـــل نومـــاس


احيوات والنعمين وبالفعـــل نومـــاس
للشاعر احمد محسن ابو رجل


شبيت ناري فوق كثبـان الاطعـــــــاس
ونار الرتـــم كالعــود فاحـــة ادخونـــه

وطاب القصــيد وطاب با البر مجلاس
في تلعــة(ن) والعشـب زاهي بلونـــــه

وقربت لي دله ونجر(ن) من انحـاس
وسميت باسم اللي بدع رسم كونــــه

وسويت فنجال (ن) حمسته بمحماس
يجلي عماس اللي غرق في ظنونـــه

وشديت قيفان(ن) على وزن وقيــاس
رد(ن) على اللي بالوفـــاء يذكرونــه

ياشاعر(ن)في غزرة البحر غطــاس
جبت الــدرر والجزل طــابت لحونـه

هبضتني ويقضت بالقلب هوجــــاس
وجاوبت قمري(ن) شذى في غصونه

احيوات والنعمين وبالفعـــل نومـــاس
الــروح ترخص مارضيـتـوا مهونــــه

عيــــال عم وكلـكـــم عيـن بالـــراس
كل القبـايــــل جودكــم يمـدحـونـــــه

وخص منهو ما سكـن قلبـــه اليـــاس
ذيب على روس المعــالي عيونـــــه

هذاك ابوسـالم قــوي عزم مع بـــاس
                قـدره بقلبي صاطيـــا في ركونــــــــه            

وختامها صلوا على خير من داس
شفيعنا اللي بالحشــر ترتجونــــــه


ليست هناك تعليقات:

إرسال تعليق