الثلاثاء، 16 يوليو 2013

والابل عطايا الله في طبعهـــا شي

والابل عطايا الله في طبعهـــا شي



يامرحبا باللي على دارنا حــــل
                          اعداد ماترعد وفيها والمطرهل

وعداد ماتنبت رياحين مع فـــل
                        ترحيبة(ن) تسمو بكل العبارات

ياهذيل نبع الجود وهل الحميه
                         تاريخكم كالشمس ساطع بضيه

في عهدنا الحاضر وبالجاهليه
                           بصماتكم تظهر بكل المجالات

عدودكم بالعـلم كل(ن) وردهـــــا
                       وصقوركم بالفعل صاطي هددها

وفعالكم بالمجد محد(ن) جحـدها
                       هاماتكم عدة بعال الســــــروات

مع طيب مع ضحكة حجاج نهلي
                      وقلوبنـــا من هبــة الريــــــح ملي

وفنجــــال كـــيف للاجاويـــد زلي
                        ومن بعدها تنساق طيب الكرامات

والبدع ذكره مرتبط بالمساعيـــــد
                       من ايام ماكانت شحاح المواريـــد

قاموا على بدعه رجال صناديــــد
                      علم اكيد(ن)والفعايل لها اثبـــــات

خلوا سوانيـــه كما بير هــــــــــداج
                    والعين تجرى بالسهل ترهج ارهاج

صارت مواريد(ن) لطرقي وحجاج
                    يالله تجزا من بدعهــا بجنـــــــــــات

وقاموا على زرع النخل في ربوعه
                   والكل تــــابع ماغرس في طلوعـــه

حتى غدة واحـــــه ونارة شموعــــه
                   والخير وافر والعطـــايا جزيـــــلات

رجال لهم في صفحة المجد تذكار
                     ريف القرابه وللمعادين كالنـــــار

والجار يبشر بالمعزه ومقــــــدار
                     وعند العرب للجار تقدير بالذات

ياطيب جمعتهم على العسر واللين
                 نخوه وشهامه تفوق كل القوانيـــن

يشهد بها القاصين قبل القريبيــــن
                   مسطره بالفعل ماهي حكايــــــات

اهل الركاب اللي بها عد مخبــور
                    اصايل(ن)وقت اللـوازم لهن دور

ياما تعلوا قبل مايبــــزغ النــــور
                وجنك بهم حرش العراقيب سمحات

والابل عطايا الله في طبعهـــا شي
                   لاجاك مسعودي وبالقـرب يمشي

توقف الجره ومذكــــــــور للحي
                   هو ذيبهن ماهي هروج وروايات

وباقي القبايل على العين والراس
                   والطيبه تذكر مع جملة النـــــاس

الله خلق ومفرق اجناس وجنـاس
                   وقولة نعم ماتنشـرى بالريـــالات

الشاعر:-احمد محسن ابو رجل المسعودي

ليست هناك تعليقات:

إرسال تعليق