الأربعاء، 21 أغسطس 2013

من اشعار البادية

من اشعار البادية



من ذاق حر القايله يعشق الليل
                      ومن شب ضوّه ليلة البرد يدفى

أمسيت في جيلٍ ولاهو بذا الجيل
                     وأصبحت والاّ ديرتي شبه منفى

واللي حمى بيتـه بطيـرن أبابيـل
                     ماجيت أدوّر كل من صَد وأقفَـى

ولاجيت أبشحذ يانما دلـّه وهيل
                     جيتك وجرح الظلم غاديه يشْفَى

جيتك بكلمة كنّها صَعـْقة الويـل
                     وان قلـت تكفـى لاتهاون بتكفـى

تكفى تراها كلمتن تقْطم الحيل
                    لا بالله إلا تنسف الحـيل نسفى

تكفى ترى تكفى لها هدرة السيل
                 في صدر من ينتف الطِّيب نتــفى

تكفى ترى تكفى لها تسرج الخيل
              إن كان لك في مجمع الخيل عسفى

تكفى تـراني من قرومـن مشاكيل
                حماية الــساقة بـــسيفـاً وشـلفـى

تكفى ترى تكفى تهـز الـرجاجيـل
                لولا ظروف الوقت ماقلـت تكفى

ليست هناك تعليقات:

إرسال تعليق