الأربعاء، 19 فبراير 2014

أنا بدوي

أنا بدوي


الشاعر// محمد ظاهر الميهوبي

قــــلت أبدويه قـالـــت أيـــه بـــــدويــــــه
والبــــدو ربعي وانت مـن وين بـــــــــالله

قلت بدوي يـــابنت اصــــــــــل وهـويـــه
جــو البداوه مطـــــــــلبي ويــن بلقــــــاه

وقــلت البــــدو هـــم عزوتي والحميــــــه
وياويـــــل قــلبي مـن هــــوى البدو ويلاه

لا تــــذكـــرينـي وقـــت مــاضي عليْـــــــه
يوم الضــــــعــن والجيش والخيـــل تبراه

والذود يسـرح بــــــالفياض العـــــــذيــــه
لاهــب نسناس الهـــــــــواء تلعـــــب ذراه

كلـــــــــن مــــــــطبع في حياته مطيــــــه
والكــــــــل منهـــــم طيبة الجـــــــد تبراه

ويـامـــــــا عليهـــــــــن روحــوا كل نيه
من فـــوقهـــــن كـلن يغني على حـــــداه

وشــــوف البنات الســـارحه بالـــــرعيـه
وكلـــن يفاخـــــر في حــلاله ومـــرعـاه

فـــــــــي عصـــرهم كل العلــوم النقيــــه
علــم الشرف مــــــعلوم والكـــــــل يقراه

كلــن ياخـــــــاف النـــقـــــد والا الــزريه
والـــحـــق يقطـــــع عند عـريْف وقضـاه

وتلقــــــى الخــــــــوي دايم يقدر خويــــه
والعيب عيب وراعـــــي العـــــــيب يشناه

وتلقــــــى الكــرم واهل الكفــوف النديـــه
الضــيــــف لجـــــــــاهــم ابد يأخذ قـــراه

والطــــيب فيهــــم ساس اصـل وسميــــه
والجـــــــار عـــــــــز الجار والكل يحمــاه

عصــــــر النفوس الطـــــــــاهره والنقيـه
والعـــــــــلم غانــم واطيب العــــــلم يتلاه

ليست هناك تعليقات:

إرسال تعليق