»نشرت فى : الاثنين، 13 أكتوبر، 2014»بواسطة : »ليست هناك تعليقات

قصايد ذوق .. جزء 3

ممــــــا قرأت وأعجبني
"قصايد ذوق .. جزء 3"




ليــــــــــــا اغناك ربي لاتكبرعلى المحتاج
مايرفع مقام العالم الا تواضعهــــــــــــــــا

عســــــــــــاالله يغنيناعن الناس والاحراج
ولاتنحرج معنـــــــــا ولاننحرج معهــــــــا



حنــــــــــــــــــا بشر مَ نعترف بـ المقاييس
دايم نشوف ذنوبنـــــــــــــــا ماهي ذنوب !

دايم نحط اللّوم كلـــــــــــــــــه على ابليس
وابليس لو يدري عن ذنوبنــــــــــــا يتوب



رفيقنا الي عــــــــــــام الاول مدحنــــــــاه
عود يسوق عنان خيلـــــــــــه علينــــــــا

الظاهر انــــــــــــــــــا بالمدايح ظلمنـــــاه
والا اخلفـــــــــه كلمـــة عدو في قفانــــــا



انا غني النفس مــــــــاني غني مــــــــال
لـــــــــــــــو شحت الاموال نفسي عزيزه

مـــــــــــــــانعرض العزه على سوم دلال
العز فينـــــــــــا يــــــــــــــارفيقي غريزه



تطرد الدنيـــــــــا وتجمع فـــــــــالدراهم
ليتك تْسدد ولــــــــــو من بعض دينـــــك

قبل لا تفقـــــــد عزيزٍ مِن حداهـــــــــــم
قدّم الإحســـــــــــان .. بِر ّ بْوالدينـــــــك



الموت .. ياخــــــــــذ طيبين ،،،وخايبين
مايعترف بصغـــــــار وكبــــــار البخوت

- ولاننــــــــــــــا .. مانفقد الا .. الطيبين
صرنــــــا نظن ان الهلايـــــــــم ماتموت



ماجيت أدور ورا زلات خلــــــــــق الله
ذي كلمـــــةً طيبه ذي كلمــــــةً شينــه

الي يبى الطيب يلقى طيبنــــــا كلــــــه
والي يبى الشين مافكيت بيبانـــــــــــه



تمّـــــل من ناسٍ سبب قشر الاطبـــاع
ماهي على مواقفــــك أو ،،، ظروفــك

على خطـــــاك عيونهم دايم ، وســاع
وفي فعلك الصح كنّهــــــــا ما تشوفك



الظلــــــم شيـن ويجعل النــــار مثواك
راع الظلـيـمـه عيـشـتـه ماهناهــــــــا

فـوقك إلـــــه الـعرش عالم نـوايـــــاك
ينظر قلـوب الناس وش محتواهـــــــا



فعلك الطيب مع الكفو يرقا بـــك سـنود
والف طيبه في الردي لامحاله ضايعـه

الكفو في موقف الجود بافعاله يجـــود
والـردي فـي موقفه تنكشف صنايعـــه



ورى الخوي مـــــــاني مدور عذاريب
ولا شفت عيبٍ في خويي سترتــــــــه

اسوق لشوفتـــــــه .. جزيل التراحيب
وان غاب عن عيني .. بخيرٍ ذكرتــــه



الحــــظ يلعـــب دور بين المخـــــاليق
والآدمـــي رزقــــه مقـــدر و مقسوم

والله جعل حظي بكسب المطــــــــاليق
حظي كـــــذا والناس معطى ومحروم



الوقت مــــــــــايرحـم ولافيــــه مرحوم
مـن لايـدل الـدرب ماحـدن يدلــــــــــــه

لوصحت باعلى الصوت وتقول مظلوم
حطولـك الحسـاد سبعين علـــــــــــــــه



خـــــل الفعل ياصاحبي .. قبل الكـــلام
وإرقى وحط الطيب في راس الهــــرم

ترى التواضع ، والفعـــل ، والاحترام
هذي الصفات اللي عليهـــــا .. تُحترم



بعض العرب يحتل قلبك بَ الوفـــــــا
لا يطعن بَ ظهرك ولا هــــم يحزنون

مهمـــــا حصل بينك و بينه من جفى
يبقى على يمنــــاك يفداك قلب حنون



يالشاعر الي تمدح الربـــــــع بالحيل
يستاهلـــــون المـدح .. والـشك زايل

إمدح بني عمــــــــك من الصبح لليل
لـكـن لاتهـضـم حـقــــــــــوق القـبايل



إصبر على ما جــــاك وإقبل بما جاك
وحبل الرجاء خله إمبـــاري إلـ حبلك

لو تضـرب الدنيــــا من هناك لـ هناك
مالك مـن الدنـيــــا سـوى ما كتب لك



ابنصحك واخـذ النصـيحة مغطـــــــاه
من دون مــــــاتتعب ومن غير تشفير

كل شيء لك ترضاه للغير ارضــــــاه
وكل شيء ما ترضـــاه كفه عن الغير



سولفت مرّه و( أقتحمت ) الحقيقــــه
مـــــاكنت أظـن الصدق بعيونهم ذنب


بيت ( الـبـدو) ياعارفين الطريقــــــه
لاطاحت العـمدان مـــــــايرفـعه طنب



ترا الردي دايم يعذرب هـــــل الطيب
يوم ان ماله مع هل الطيب طـــــاري

والناس تدري منهم اهـــل المواجيب
وهرج الردي ماهو صحيح البخاري



الكريم اللي على الجود ماخذ له مدى
ما تسوقه شهوته ، هو سوّاق شهوه

والردي اللي يقلّط على شـــان الردى
ي خساره فيه تمره و فنجــــال قهوّه



نخسر بشر بس مانخسر مبادينـــــــا
ورجولنا صوب كلمة ( نعم ) مندفعه

مانلتفت للكلام اللي يجي فينــــــــــــا
نفوسنا عن كلام الناس مرتفعـــــــــه



ابن عمك سيف يمناك ويــــجمّل نبــاه
وابن عمك درع جنبك لما قــــل الوفق

اعترض دونه وقص اللسان اللي قفاه
كان راسك يطبخ بالــــحميا والـــرفــق



من كان ساسه للردى مضرب امثـــال
اليوم يحسب من كبار القبيلــــــــــــــه

المال يــــا ابن حنيف ملعون ابو المال
ذل العزيز وعز ناس(ن) ذليلـــــــــــه



بينك و بين الخلق تكفيك الأخــــــــلاق
و بينك و بين اللّــــــــه صلاتك صلاتك

الأولـه تـفتـح لـك آفـــــــــاق و آفـــاق
و الـثانيــــه مـعنى لِـ قـيمــــــة حيـاتك



ماضيـــــــات السنين ومقبلات السنين
كلبوها تساوت والليالي محــــــــــــــك

بين دمعة حزين وذكريـــــــــات وأنين
لايغرك زمــــــــــانك لو بوجهك ضحك



اللي سأل عن حالتي مامن اخبـــــــــار
غير التعب و الهــــــم والحزن والكبت

ضايق واسلي خاطري وارسل اشعــار
والله يكون بـ عونكم كل مــــــــا ضقت



خـلك على الفرقـــــــــــا قويّ الـعزايم
من يتبع المقفين يصغر وينـهـــــــــان

مايستوي تسهر لجل شخص نـــــــايم
لو هو يحبك مــــــــارقد وانت سهران



قدر مـقـــــــــــــــام اللي يقدر مـقامـك
واجز الذي عــــــــاملك بالخير خيرين

أحـذر تـنقص لـلـوفـي اهتمامــــــــــك
ما يجحد الــــــــــوافيـن غير الـردييـن



سبحــــــــان من يفتح بالأرزاق بابه"
يغني بلا منّه و يعطي بلا حســـــــاب

ما دامكم في ساعة الإستجابــــــــــة"
ادعوا والحّوا واطرقـــــوا كل الأبواب



الطّيب مــــــــاهو عزّ في كلّ الاحيان
الطيب في بعض المواقف مذلّـــــــــه 

لا صرت دايم تــــــاخذ الطيب عنوان
يجيك من هو بالردّى يستغلّــــــــــــه



على ثقل الحمــــــــل.. تقوى عزومي 
لاشفت نيـات الليآلــي ..  جبانـــــــــه

من صدّ عني؟ جعلـــه آتلـى همومـي !
ومن صان قدري ؟ (فوق راسي مكانه)



في داخلي صرخه .. و ضجة و بركان
إنسان ساكت غصب : ما ودي اشكي

من زود ماني بحاجة لي ضمة انسان
اصبحت كني طفل ( تضمه و يبكي )



مآهو ضروري كل حاجـــــــه لها آسباب
مرات " تكره " شي من " دون " سبّه

والصمت مـــــــــا عمره فتح لِـ آلغلا باب
اللي , " تحبّه , " قلّه : " انك " تحبّـــه



عليك بالتقوى ترى العمــــــــــ،ر محدود
واردع هوى النفس الدنيـّه وقدهـــــــــــا

واحفظ صلاتــــــــك تكسب الرزق والفود
تكسب مكاسيب الحياه وسعدهـــــــــــــــا



الا يالخوي وصّلتني بالجفـــــا لـ اقصاي
بقفّي ولا تشــــــــــــره علي وانت متغير

بغيتك بغيتك غير كنّك تبي فرقــــــــــاي
وقلبي من اللي يحب فرقــــــــــاي متذير

    اضف تعليقاً عبر:

  • blogger
  • disqus

الابتسامات

0102030405060708091011121314151617181920212223242526272829303132333435363738394041424344

كافة الحقوق محفوظة لمدونة واحــة الأحيـــــــــــــــــــــوات 2016