الأحد، 20 نوفمبر 2016

يمه غيابك فااق عن حد صبري



سلام الى روح امي الطاهره وعيدها في الجنه ان شاء الله..
يا عيد وش عادك لنا وانت تدري...
لا لي معك فرحه ولا اخذت ميعاد...
يا عيد تو الجرح في جوف صدري...
لا تطري الفرحه وانا جروحي جداد...
العام لك جيه من الموت تبري...
واليوم طاري جيتك موت وحداد...
العمر راح وراح ف العمر عمري...
ليت المسافه بيننا حدود وبلاد...
والله لو العمر ينبااع واشري...
لحظه اضم امي وتكفيني اعياد...
اشمها واخذ من الطيب عطري...
وارد عنها الموت بالغصب وعناد...
يمه غيابك فااق عن حد صبري...
حمله ثقيل وفاض عن متني وزاد...
أمر الله اقوى والمقادير تجري...
ولا عمرها تمشي على حاجة عباد...
يالله عسا مزنه من الغيث تسري...
تسقي ثرى قبرك من الله وتنقاد...

ليست هناك تعليقات:

إرسال تعليق